Memlekettik qyzmet salasynda adamı resýrstardy basqarý boıynsha ozyq tájirıbe almasý maqsatynda sheteldik áriptestermen yntymaqtastyq ornatylyp jatyr.
О́tken jyly AQSh-qa issapar aıasynda MQIA tóraǵasy Darhan Jazyqbaı AQSh-tyń Kadrlyq qyzmet ofısiniń dırektory Rob Shraıvermen kezdesti. Taraptar ózara túsinistik týraly Memorandýmǵa qol qoıyp, memlekettik qyzmettegi adamı áleýetti arttyrýdyń mańyzdylyǵy týraly kelisimge keldi.
Atalǵan kelisim negizinde 2025 jylǵy 20 qańtardan bastap Qazaqstan Respýblıkasynyń tótenshe jaǵdaılar salasyndaǵy memlekettik qyzmetshileri men qyzmetkerleri úshin «Daǵdarysty basqarýdaǵy kóshbasshylyq» taqyrybynda onlaın formattaǵy úsh kúndik oqytý kýrsy ótýde.
Oqytýshylar retinde AQSh-tyń túrli vedomstvo basshylarynyń biliktiligin arttyrý baǵdarlamalaryn júzege asyratyn Federaldy atqarýshy bılik ınstıtýtynyń professorlary tartyldy.
Qazaqstan tarapynan oqytýdan 57 memlekettik qyzmetshi, ıaǵnı Tótenshe jaǵdaılar mınıstrliginiń basshylyq quramy jáne jergilikti tabıǵı resýrstardy qorǵaý salasynyń basqarma basshylary ótti.
Atalǵan aýdıtorııa sońǵy birneshe jyl ishinde elimizde bolǵan tabıǵı sıpattaǵy tótenshe jaǵdaılarǵa jáne AQSh-tyń osyndaı jaǵdaılardy basqarýdaǵy baı tájirıbesine baılanysty tańdap alyndy. Oqytý aıasynda tyńdaýshylarmen AQSh-tyń jáne Qazaqstannyń tótenshe jaǵdaılar keısteri negizinde ınteraktıvti talqylaýlar ótti.
